លោក នូ ហាច

                           (ដកស្រង់ចេញពីសមូហកម្មអក្សរសិល្ប៍នូហាច)

 

លោក​ នូ ហាច កើតនៅថ្ងៃទី  ២៦ ខែមិថុនា ឆ្នាំ១៩១៦  នៅឃុំកំ

ពង់ព្រះ  ស្រុកសង្កែ  ខេត្តបាត់ដំបង​  (១៩១៦ -១៩៧៥)  ។   ឳពុកនាម

ឃួន នៅ និងម្តាយនាម  ឱ មួច ជាកសិករ ។  លោកជាកូនច្បងនិងមាន

ប្អូនៗច្រើននាក់  មានប្អូនស្រី៣នាក់ផងដែរ។

 

លោក  នូ ហាច បានរៀបការជាមួយអ្នកស្រី  តាន់ រ៉េម  និងមាន

បុត្រចំនួន ៨ នាក់។  សព្វថ្ងៃកូនៗ របស់​លោកមួយ​ចំនួនរស់នៅអាមរិក

និងអូស្រ្តាលី។ ខ្មែរក្រហមបានសំលាប់លោកប្រហែល​នៅ​ឆ្នាំ​ ១៩៧៥។

 

កាលពីកុមារភាព  លោកសិក្សានៅសាលាបឋមសិក្សាវត្ត  កំពង់

ព្រះ ដែលមានគ្រូជាព្រះសង្ឃនៅ​សាលានោះ។ លោកចេះអានសាស្រ្តា

ស្លឹករឹត   យ៉ាងស្ទាត់ជំនាញ។   ឆ្នាំ១៩៣២  លោកបានប្រលង​ជាប់ចូល​

រៀន​នៅ​សាលា​វិទ្យាល័យព្រះស៊ីសុវត្ថិ  រាជធានីភ្នំពេញរហូត​បាន​ទទួល

​សញ្ញាបត្រ័​កំរិត​មធ្យមសិក្សា​​។

 

បន្ទាប់ពីទទួលបានសញ្ញាបត្រ័នៅវិទ្យាល័យព្រះស៊ីសុវត្តិ លោក

នូ​​ ហាច បានចេញទៅបំពេញ​ការងារ​​នៅខេត្តសៀមរាបជាចៅក្រម។

       - ឆ្នាំ   ១៩៤៧   លោកបានបានធ្វើការជាអ្នកបោះពុម្ពផ្សាយអោយ

កាសែតកម្ពុជាក្នុងក្រសួងពត៌មាន។

       - ឆ្នាំ   ១៩៤៨  លោកបានក្លាយជាលេខាផ្ទាល់របស់នាយករដ្ឋមន្រ្តី

(យុត្តិវង្ស) ។    បន្ទាប់មកលោកបាន​វិលមកធ្វើការអោយក្រសួងពត៌មាន

វិញ មានឋានៈជាប្រធាននាយកដ្ឋាន។

       -  ឆ្នាំ    ១៩៥២    លោកបានផ្លាស់ទៅធ្វើការនៅក្រសួងការបរទេស

ជាប្រធានផ្នែកកិច្ចការនយោបាយ​ការ​បរទេស​ (Director  en  Direction

des Affaires Politiques)។

ក្នុងការងារថ្មីនេះ  ​​ ​ ក៏ត្រូវបានតែងតាំងអោយទៅបំពេញបេសក

កម្មផ្សេងៗនៅបរទេសដូចជា   ប្រទេស​សៀម  និងយូហ្គោស្លាវីជាដើម។   ក្រោយមកដោយសារលោកមានស្នាដៃក្នុងការងាររាជរដ្ឋា​​ភិបាល​ ប្រចាំ​

នៅប្រទេសឥណ្ឌូនេស៊ី  ប្រទេសវៀតណាម   និងជាអ្នកតំណាងពិសេស  ប្រចាំអង្គការសហប្រជាជាតិផងដែរ។

        - ឆ្នាំ  ​ ១៩៥២  នាយករដ្ឋមន្រ្តីសម្តេចព្រះ   នរោត្តម  សីហនុ  បាន

តែងតាំងលោក  នូ ហាច   ជារដ្ឋលេខាធិការក្រសួងសាធារណការ   និង

គមនាគមន៍ ដោយព្រះរាជក្រិត្យលេខ២៥២។

        - ១៧  មករា ឆ្នាំ  ១៩៥៨   លោកបានចូលជាសមាជិកនៃសមាគម

អ្នកនិពន្ធខ្មែរ   (ទស្សនាវដ្តីអ្នកនិពន្ធខ្មែរឆ្នាំទី  ២  លេខ  ៣   ខែកុម្ភៈ  ឆ្នាំ

១៩៩៦   ទំព័រ  ១៣)   (សមាគមអ្នកនិពន្ធខ្មែរកើតឡើងនៅឆ្នាំ   ១៩៥៤

 ដោយលោក រឹម គីន)។

 

លោក    នូ  ហាច   ត្រូវបានគេទទួលស្គាល់ជាពិសេសក្នុងស្នាដៃ

រឿងមនោសញ្ចេតនាដែលមានចំណងជើងថា  ​ផ្កា​ស្រពោន។   តែជារួម លោកមានស្នាដៃផ្សេងៗ  ទៀតដូចជារឿងខ្លី កំណាព្យ   (លោកសរសេរ

កំណាព្យ​ជាកាព្យ​បែបបារាំង) ។ល។   ហើយយលោកជាអ្នកនិពន្ធដែល សរសេរឲ្យទស្សនាវដ្តីរាត្រីថ្ងៃសៅរ៍ ទស្សនាវដ្តីនារី  ទស្សនាវដ្តីរួមមិត្ត។

ចំណងជើងអត្ថបទនានាដែលប្រមូលបានមាន៖

១       រឿងផ្កាស្រពោន ឆ្នាំ១៩៤៩

២       រឿងមាលាដួងចិត្ត ឆ្នាំ១៩៧២

៣      រឿងត្រួយជីវិត ឆ្នាំ១៩៧៣

៤       មធុរសជាតិ សិក្សាអត្ថបទ ដកស្រង់ពីទស្សនាវដ្តីនារីលេខ

១0 ទំព័រ៣៥៣ ដល់ ៣៥៦ខែ តុលា ឆ្នាំ១៩៥១។

៥       រឿងខ្លី ​​  កូនក្រក  ផ្សាយដោយទស្សនាវដ្តីរួមមិត្តលេខ  ៨

          ថ្ងៃទី១៥ ឧសភា ឆ្នាំ១៩៥៣ ទំព័រ១៥ និង១៦។

៦       ដំណើរចេញទៅប្រទេសបារាំង  កាព្យបែបបារាំង  ផ្សាយ

ដោយទស្សនាវដ្តីនារី លេខ១៥ឆ្នាំ ១៩៥២។

៧      ខ្ទីងកាព្យបែបបារាំង ផ្សាយដោយទស្សនាវដ្តីនារីលេខ១១

          ខែវិច្ឆិកា  ឆ្នាំ ១៩៥១ ទំព័រ ៣៩៦។

៨       នារីជាទីស្នេហា ឆ្នាំ១៩៥៣

៩       លាវ័ណ្យ និង រវិន្ទ ឆ្នាំ១៩៥៣ បោះពុម្ពភាគ១ ឆ្នាំ ១៩៥៥

បោះពុម្ពភាគ២

១0 ​    រឿងខ្លី  ល្បាតគយក្នុងគ្រាមួយនៅទន្លេសាប   ដកស្រង់ពី

ទស្សនាវដ្តីរាត្រីថ្ងៃសៅរ៍លេខ  ១0  ថ្ងៃ ទី ១៩  ខែកុម្ភៈ  ឆ្នាំ

១៩៥២ ទំព័រ២៩ ដល់ ៣១។

១១    ថូបែក កាព្យបែបបារាំង លោកនូ ហាចដកស្រង់ពីទស្សនា

វដ្តីនារីលេខ១៣ ខែមករា ឆ្នាំ ១៩៥២ ទំព័រ១១។